Utgangspunktet for
motorferdselregelverket er at det ikkje er tillate med motorisert ferdsel i utmark og vassdrag med mindre det følgjer av lova eller vedtak med heimel i lova. Føremålet med regelverket er å verne om naturmiljøet og sikre friluftsliv og rekreasjonsverdiar. I regelverket er det opna for naudsyn køyring til godkjente føremål, men den tillater ikkje fornøyelseskøyring. All motorferdsel i utmark utanom bilveg krev løyve frå Hjartdal kommune.
Brattefjell-Vindeggen
For motorferdsel i verneområdet Brattefjell-Vindeggen gjeld eigne reglar i verneforskrifta og forvaltningsplanen. Verneområdestyret har definerte ruter der det er tillate med køyring når det er gjeve løyve etter motorferdsellova av Hjartdal kommune. Køyring utanom fastsette trasear skal fyrst godkjennast av verneområdestyret før Hjartdal kommune gjev løyve etter motorferdsellova. Næringskøyring i landbrukssamanheng utanom fastsette ruter skal og godkjennast av verneområdestyret. Hjartdal kommune tek seg av samordning opp mot verneområdestyret.
Leigekøyring
For å redusere motorferdsel i utmark, skal naudsyn transport med snøskuter i størst mogleg grad skje ved leigekøyring. Leigekøyring kan nyttast til blant anna:
- Transport mellom bilveg og hytte (ikkje noko minstekrav til avstand)
- Tilsyn med hytte på eigars oppdrag
- Transport av massemedia på reportasjeoppdrag
- Transport av funksjonshemma
- Transport av ved
- Dersom du har fått løyve frå kommunen til anna føremål etter motorferdselforskrifta § 6
I tabellen under finn du telefonnummer og e-post, samt kart som syner kven som har fått løyve til leigekøyring. I dei skraverte områda kan det køyrast i heile området. I Brattefjell-Vindeggen landskapsvernområde er det berre dei godkjente traseane (stipla linje) som kan nyttast, og då med eit avvik på omlag 200 meter. Leigekøyrar må syte for å ha samtykke frå dei aktuelle grunneigarane
Jamfør generelle vilkår for skuterløyve etter § 5 og 6 i motorferdselforskrifta vedtatt av Hjartdal kommune i 2013 gjeld følgjande avgrensing på tidspunkt:
- All køyring mellom kl. 23.00 og kl. 07.00 er forbode
- Det er ikkje lov å køyre på sundagar frå 07.00-12.00, det same gjeld juleftan frå kl. 17.00 og heile 1. joledag og 1. pinsedag.
Slik søkjer du
• Fyll ut søknadsskjema
• Legg ved kart som syner den nøyaktige køyretraseen (kart kan fåast av Hjartdal kommune)
• Legeattest i dei høve det er aktuelt
• Legg ved skjema med samtykke frå grunneigar(ar) (naboliste kan fåast av kommunen)
• Sjølv om det er søkt tidlegare må alle naudsynte vedlegg til søknaden leggjast ved.
Klagemoglegheit
Det er klagerett på enkeltvedtaket, jamfør forvaltningsloven § 3, jf. § 28. Ei eventuell klage stilast til Hjartdal kommune, 3692 Sauland. Klagefristen er 3 veker frå det tidspunkt underretninga om vedtaket er kome fram til vedkomande part, jamfør § 29. Ved overskriding av fristen gjeld forvaltningslova § 31.
Søknadsfrist
Fristen for å levere søknaden er den 01.11.2018. Merk at søknadar etter fristen må rekne med lengre sakshandsaming.
Søknad sendes til
Søknaden kan anten leverast på servicekontoret, på epost postmottak@hjartdal.kommune.no, eller sendast til Hjartdal kommune, Saulandsvegen 414, 3692 Sauland.